Ég ákvað að skrá dóttur mína á námskeiðið af því að henni hefur ekki gengið nógu vel að ná tökum á lestrinum. Hún ruglar stöfum saman og litlu orðin eru erfið.

Það gengur vel hjá okkur og Evu finnst þetta frekar gaman.

Við sjáum klárlega mun, það er meiri hraði og meiri ákveðni - hún er kappsöm og stolt af sjálfri sér :)

Við erum mjög ánægð með þetta!

Mér fannst sonur minn fastur í að stafa orðin. Það vantaði líka meiri hraða svo mér fannst sniðugt að prófa hvort hægt væri að gera þetta í tölvunni.

Það gengur alltaf betur og betur. Ég sá strax rosalegan mun eftir fyrsta borð og tímatakan er spennandi og hvetjandi

Við sjáum mjög mikinn mun og námskeiðið er bara algjör snilld ;)

Ég ákvað að skrá barn mitt á námskeiðið því hann hefur átt erfitt uppdráttar í lestri. Hann les hægt, þreytist auðveldlega og ruglar saman stöfum. Hann var farinn að dragast afturúr og ég vil gera allt svo hann haldi í sína jafnaldra.

Lesum hraðar æfingarnar hafa gengið vel og sonur minn er alltaf spenntur að fara í símann og lesa. Honum finnst þetta mjög gaman.

Ég sé mikinn mun og það sem skiptir mestu máli er að hann sér sjáanlegan mun við hverja umferð.

Það skiptir miklu máli að börnin sjái sjálf að þau eru að bæta sig með hverri umferð.

Ég sá líka fljótt hvar vandinn liggur og hefur það auðveldað okkur lesturinn. Nú höfum við ekki verið lengi á námskeiðinu en ég sé strax mun á heimalestrinum.

Það er kominn aukinn hraði hjá honum ásamt auknu sjálfstrausti, sem skiptir gríðarlegu máli. Við erum mjög sátt :)

Sæll Kolbeinn.

Við erum mjög ánægð með lestrarnámskeiðið og það gengur vel.

Það sem mér finnst frábært við þetta er að það hjálpaði mér að átta mig á þeim stöfum sem Andreas átti í vandræðum með (ð,é og v).

Ég fór yfir þetta með kennurum og sérkennurum í Norðlingaskóla og voru þau mjög hrifin.

Lesturinn heldur áfram!